Halloween – Nuetsrallye

D’Jugendkommissioun zesumme mam Schäfferot vun der Stad Rëmeleng freet sech, kënnen dëst Joer en Halloween-Rallye ze organiséieren . Op dëser Säit fënnt dir e puer nëtzlech Informatiounen.

Wat? Wou? Wéini?

• Den Halloween-Rallye ass den 31. Oktober 2025
• Umeldeschluss ass den 10. Oktober 2025
• De Rallye dauert ongeféier 4 Stonnen
• Um Wee gi flott Spiller vun de lokale Veräiner ugebueden
• Fir e klenge Präis kritt där op der Plaz eppes ze iessen an ze drénken

Konditiounen

• All Ekipp muss aus 4 bis 6 Léit bestoen
• De Mindestalter ass 12 Joer. Fir déi Léit ënner 18 Joer brauche mär eng Autorisatioun vun den Elteren
• All Ekipp muss mindestens 1 Responsabelen hunn dee méi wéi 18 Joer huet.
• D’Participatioun kascht 5€ pro Persoun
• No Ärer Umeldung kritt där eng Confirmatioun mat der Rechnung an den Autorisatiounen
• Nom Paiement ass är Umeldung fix

Wat soll där matbréngen?

• Fest Schung
• Kleeder, déi de Wiederkonditiounen ugepasst sinn (opgepasst, et geet duerch de Bësch)
• Täscheluuchten- obligatoresch (den Handy geet NET duer)
• Handy
• Bidon fir mat Waasser ze fëllen

Hues du Loscht bei eisem Halloween-Rallye matzemaachen, da mell dech an deng Ekipp esou schnell wéi méiglech un, well d’Plaze sinn op 12 Ekippen begrenzt. Umelle kënnt dir iech ganz einfach iwwert HEI.