Buergbrennen

Buergbrennen ass eng al lëtzebuergesch Traditioun, mat där de Wanter symbolesch verdriwwen an d’ Fréijoer begréisst gëtt. D’Feier steet fir Luucht, Hëtzt an nei Liewenskraaft a markéiert de Wiessel an eng méi hell a lieweg Joreszäit.

Normalerweis gëtt d’Buergbrennen um éischte Sonndeg no Fuesent gefeiert. Dëst Joer feiere mir et awer ausnahmsweis schonn um Samschdeg, den 21. Februar.

Hei de Plang vum Owend:

• 18h00: Start vum Fakelzuch op der Moartplaz (2, Place G.-D. Charlotte) a richtung Skate-Park.
• 19h00: Spektakel mam “Jonn Happi on Fire”
• 19h30: D’Buerg gëtt verbrannt.

D’Stad Rëmeleng schafft hei zesumme mat de fräiwëllege Pompjeeën an d’Restauratioun gëtt vun der Stad Rëmeleng organiséiert.